1Jo 1 | ENQ | STEP | Tee piamo dokopa lete katasingi Pii doko katea-pyaa. Naimame baanya pii leamo doko sowapi, baa lengeme kandawapi, kandatala kingimi watandawapi piamo.

a1:1Lu 24:39; Jo 1:1-5,11,14, 20:20,25,27; Ap 22:15; 1 Jo 2:13-14

b1:2Jo 1:14, 5:20, 15:27

c1:3Ap 2:42, 4:20, 26:16; 1 Ko 1:9; 1 Jo 2:3,19,24,29

d1:4Jo 5:11, 16:22-24; 2 Jo 12

e1:5Dan 2:22; Jo 8:12; 1 Ti 6:16; Je 1:37; 1 Jo 3:11

f1:6Jo 3:21; 1 Jo 2:4

g1:7Ais 2:5; Mt 26:28; Lo 3:24-25; Ip 9:14; Pa 1:5, 7:14

h1:8Wee 32:5; Pot 20:9; Ekl 7:20

i1:9Wee 32:1; Mt 6:12

j1:101 Jo 5:10

1 John 1

Lete katasingi Pii doko

1 Tee ^a piamo dokopa lete katasingi Pii doko katea-pyaa. Naimame baanya pii leamo doko sowapi, baa lengeme kandawapi, kandatala kingimi watandawapi piamo. 2 Lete ^b katenge doko paneamopa kandeama. Indupa naimame lete katawaka katenge dokonya lao kiningi nyakama langilyamano. Lete katenge doko Takangepa awapa katao naima-kisa panea. 3 Naima ^c pyasetae mona setao katamana lao naimame siamapi kandemapi dupa lao panao nyakama apata langilyamano. Naima pyasetala Takangepa baanya Ikiningi Jisasa Kataisa-pipa pakatae kalyamano. 4 Naima ^d mona etete yaepokondape piamana lao pii datupa pepa pilyamano.

Gote baa tii pipae

5 Gote ^e baa tii pipae baa-kisa iminjetae etete kukipi mende napalengena lao baame leamopa siama dupa nyakama langilyamano. 6 Naima ^f Gote-pipa pyasetae mona setao kalyamano latala dee iminjetae ongonya payatamano kandao doko, naimame sambo pii latala kiningi pii lapae silyamoli pyoo napitamanosa pita. 7 Baa ^g tii pipae dokonya kalyamoli pyoo naima tii pipae ongonya payatamano kandao doko, naima baa-pipa pyasetae katatama. Baanya Ikiningi Jisasanya taiyoko dokome naimanya koo pingi dupa pitaka kunanya nepekenge. 8 Naima ^h koo mende napingina latamano kandao doko, naima tangeme tange sambo lamaitamanopa Gotenya kiningi pii doko naima-kisa napalita. 9 Naimame ⁱ naimanya koo pingi dupa lao panatamano kandao doko, opale mende pitoo latala kini pingi Gote epe tolatae dokome naimanya koo pingi yanu dupa kayapala pitaka kunanya nepakata. 10 Naimame ^j koo mende napiamana latamano kandao doko, naimame Gote sambo lenge injisetamanosaka pita. Dokopa baanya pii doko naima-kisa napalita.